Tiempon Dinekko’

Ekungok i post gi Chamoru.

Måtto i *tiempon dinekko’ guini na lugåt ya mamflores i trongkon håyu siha. Mamflores todudu 🙂 Hagas ha’ måkpo i tiempon sakura desde ki ma’pos na mes. Kadada’ i lina’la’-ñiha i flores sakura siha! Lao guaguaha ha’ i flores håyun ga’lågu siha ya manhuhuyong i otro flores yan tinanom. Ya bula kåntan paluma gi aire.

Kåntan Paluma

Ekungok i tinige’-hu gi Chamoru.

Dikike’ na post este. På’go na ogga’an makmåta yo’ gof taftaf. Sen taftaf. Mama’tinas yo’ kafe pues matå’chong yo’ gi fi’on i bentåna gi halom i sagå-hu. Matatå’chong ha’ yo’ guini ya siña hu hungok i kantan paluma ginen i sanhiyong. Manmames i kantan-ñiha. An manekungok yo’ kåntan paluma, siña yo’ manli’e’ meggai na kulot siha lokkue’. Kalang guaha dikike’ na isa siha gi talangå-hu! Puedi un komprende i siñente-ku. Todu i tiempo, siña manli’e’ yo’ kulot siha an manekungok yo’ dåndan pat kånta siha. Ya hågu? Kao un susesedi este lokkue’? Gosa i kantan paluma på’go na ogga’an. Manana si Yu’os 🙂

Pinentan as Debbie Tung

Ekungok i tinige’-hu gi Chamoru.

Kao guaha na un li’e’ i che’cho-ña si Debbie Tung? Ti hu tungo’ este na attista asta ki hu fåhan i lepblo-ña, “Guinaiyan Lepblo.” Gof kiñute i pinentå-ña siha! Malago’ yo’ pumula i che’cho’-ña sa’ siempre para u ayuda yo’ tumungo’ i lengguahen Chamoru. Mamula yo’ tres comics guini na post. Taitai yan gosa!

Ha’ånen Guinaiya gi Kanton Tåsi

Ekungok i tinige’-hu gi fino’ Chamoru.

Biba Ha’ånen Guinaiya! Håfa bidå-mu på’go na såkkan put Ha’ånen Guinaiya? Kao mamåhan hao flores pat chukulåti? Kao mama’tinas hao ninå’i para especiat na taotao gi lina’lå-mu? Puedi un gosa i ha’åne’. Humånao ham para i Oregon Coast put Ha’ånen Guinaiya. Gof espesiat para hami sa’ fine’nina na hinanao-måmi. Ga’ña-ku sumåga gi gimå’-hu, lao gof ya-hu i kanton tåsi siha giya Oregon. Sen bonito.

Kao un nisisita i tonådan natibu?

Yanggen mamåhlao hao an un fino’ Chamoru, egga’ este na bideo! Guaha gof maolek na hinasso siha guini.
If you are embarrassed when you speak Chamoru, watch this video! There are very good thoughts here.

Ekungok i tinige’-hu gi Chamoru.

Yanggen un estutudia i lengguahen Chamoru, kao debidi un fino’ Chamoru yan tonådan natibu? Kao empottånte este para hågu pat otro na taotao siha gi lina’lå-mu? Hu hahasso este na finaisen siha sa’ manegga’ yo’ bideo ginen as Robin MacPherson (un mifino’ na taotao). Ha diskuti este na finaisen: Kao debidi un eyak i tonådan natibu?

Biba Mes Lepblo 2021

Kao un tungo’ na Mes Lepblo på’go na mes? Achokka’ gof ya-hu manaitai, ti hu tungo’ este asta ki manli’e’ yo’ post gi Bookstagram. Gi minigåhet, ti siña hu hasso todudu na silebrasion siha. Guaha silebrasion siha pot kada mes, kada simåna, yan kada diha buente! Lao annai manunungo’ yo’ nuebu na silebrasion lepblo, malago’ yo’ sumaonao an siña yo’. Achokka’ uttimo na simåna este gi October (hunggan, gof ñateng na taotao yo’) nihi ta silebra Mes Lepblo gi lengguahen Chamoru!