Hihihot i ha’ånen Christmas, ya mane’ekungok yo’ meggai na kånta siha. På’go, hu e’eyak dumandan i ukulele sa’ malago’ yo’ dumandan yan kumånta! Puedi este ha ayuda yo’ umeyak i lengguahen Chamoru lokkue’. Hu tutuhon dumåndan i ukulele gi ma’pos na Sabålu, ya esta siña dumåndan yo’ Puengen Yu’os. Åntes di ha’ånen Christmas, malago’ yo’ umeyak dumåndan este na kånta lokkue’, lao ti siguro yo’ sa’ ti apmam ha’ånen Christmas! Yanggen ti pa’go na Christmas, buente otro na Christmas. Ekungok yan gosa 🙂
Tag: Christmas Songs
Kåntan Chamoru: Fanmåtto Manhengge
Ai, gof Christmas i siniente-ku på’go. Mangånta ham kåntan Christmas siha på’go gi egga’an gi duråntan i inetnon praktika. Hu agradesi na siña kumånta yo’ gi fino’ Chamoru. Un diha, malago yo’ tumungo’ todu i kantan Christmas siha gi Chamoru. Ekungok yan gosa 🙂
Kåntan Chamoru: Puengen Yu’os
Esta måtto i uttimo na mes. Ti siña hu hongge na esta hu hahasso i etmas ya-hu na kåntan Krismas siha. Gi durånten i tiempon Krismas, gof ya-hu humungok i kanta siha ginen as Medieval Baebes. Gof Krismas i dandan-ñiha para guahu! Ya-hu i kantan Guma’ Yu’os lokkue’ sa’ annai hobensita yo’, kumånta yo’ gi gima’ Yu’os kada Damenggo. Lao kumånta yo’ gi fino’ Ingles solu. På’go na såkkan, malago yo’ maneyak kåntan Chamoru. Puengen Yu’os i fine’nina. Ekungok yan gosa! Sen gåtbo yan klåru i bos-ña si Joel Larimer.
Lengguahi-ta 